Վերանորոգում․ ԷԱ վարկեր

ԷԱ վերանորոգման վարկերը տրամադրվում են պետական աջակցության Ծրագրի շրջանակներում, որը Ձեզ հնարավորություն կտա ստանալ հիփոթեքային վարկ՝  ձեր բնակարանի կամ անհատական բնակելի տան էներգաարդյունավետ վերանորոգման համար և միաժամանակ օգտվել  տոկոսադրույքների մասնակի կամ ամբողջական սուբսիդավորումից։

Էներգաարդյունավետ են համարվում վերանորոգման այն աշխատանքները, որոնց շրջանակներում ձեռք են բերվում էներգաարդյունավետ շինարարական նյութեր, ինչպես նաև իրականացվում են հետևյալ միջոցառումները՝ պատերի, տանիքների, միջհարկային ծածկերի ջերմամեկուսացում; արտաքին դռների և պատուհանների ձեռքբերում, փոխարինում կամ տեղադրում; ջեռուցման կամ ջրատաքացուցիչ կաթսայի (գազի կամ էլեկտրականության հիմքով) և ջեռուցման համակարգի բաղադրիչների (խողովակներ, սեկցիաներ և այլն) ձեռքբերում, փոխարինում կամ տեղադրում; հովացման համակարգերի, էներգաարդյունավետ օդափոխիչի, օդորակիչի ձեռքբերում և տեղադրում; արևային համակարգերի (ջրատաքացուցիչ, ֆոտովոլտային) ձեռքբերում և տեղադրում; լուսադիոդային լամպերի և լուսատուների ձեռքբերում

Տրամադրվող վարկային միջոցներից Էներգաարդյունավետ միջոցառումների վրա պարտադիր ծախսվող մասնաբաժիններն են՝          
1) բնակարանների վերանորոգման դեպքում՝ առնվազն 20%-ի չափով,                              
2) բնակելի տների դեպքում՝ առնվազն 30%-ի չափով։

Ծրագրի շրջանակներում վերանորոգման աշխատանքները պետք է ավարտված լինեն վարկի ամբողջական տրամադրումից առնվազն 12 ամիս հետո

Ծրագրի ներքո նույն վարկառուին մեկից ավելի վարկեր տրամադրելուն, սակայն տարբեր բնակարանների համար, ինչպես նաև այլ ֆինանսական կազմակերպություններից (կամ նաև նույն ֆինանսական կազմակերպությունից) մեկից ավելի անգամ վարկ վերցնելու պարագայում սուբսիդավորման դադարեցման պայմանի կիրառմանը, ապա վերոնշյալ կետերով սահմանվել է, որ մեկ բնակարանի (բնակելի տան) համար Ծրագրի շրջանակներում իրականացվում է միայն մեկ վարկի տոկոսադրույքի սուբսիդավորում՝ նկատի ունենալով, որ նույն բնակարանի (բնակելի տան) համար Ծրագրի շրջանակներում տարբեր ֆինանսական կառույցներից վարկ ստանալու փաստը սուբսիդավորման գումարի տրամադրման դադարեցման հիմք է, սակայն դրանով չի սահմանափակվում նույն անձի կողմից Ծրագրից կրկին օգտվելու և տարբեր բնակարանների (բնակելի տան) համար Ծրագրի շրջանակներում նույն կամ այլ ֆինանսական կազմակերպություններից վարկ վերցնելու իրավունքը՝ Ծրագրով և Կարգով սահմանված ընթացակարգի պահպանմամբ:

Վարկային միջոցների հաշվին Դուք հնարավորություն ունեք ձեռքբերել կենցաղային տեխնիկա, բայց ոչ ավել քան վարկի գումարի 10%-ի չափով, սակայն կահույքի ձեռքբերման ծախսեր նախատեսված չեն Պետական աջակցության ծրագրով։