Սպառողական

Լողացող տոկոսադրույքը հաշվարկվում է ԱԲՀՏ-ի հիման վրա։ ԱԲՀՏ-ն Կենտրոնական բանկի կողմից հրապարակվող բանկային համակարգում «մեկ տարուց ավելի» ժամկետով ներգրավված ավանդների միջին կշռված տոկոսադրույքն է: Ա՝ԲՀՏ-ն Բանկի կողմից սահմանվում է/վերանայվում է/ տարեկան երկու անգամ՝ մայիս և նոյեմբեր ամիսներին։ Յուրաքանչյուր վարկի գծով լողացող տոկոսադրույքը կարող է բարձրանալ կամ նվազել առավելագույնը ԱՄՆ դոլարի դեպքում ՝ երկու տոկոսային կետով, իսկ ՀՀ դրամի դեպքում` չորս տոկոսային կետով։

Rocket Line-ի չօգտագործումը որևէ պարտավորություն չի առաջացնում, Rocket line-ը Բանկի կողմից հաստատման դեպքում չի արտացոլվում նաև ԱՔՌԱ վարկային բյուրոյում։ Դրանով տրվում է առօրյա ծախսերը հոգալու հնարավորություն։ Սահմանաչափը չօգտագործելու դեպքում որևէ տոկոսադրույք չի կիրառվում։

Կան գույքի տեսակներ, որոնք իրացվելիության տեսանկյունից Բանկի համար ընդունելի չեն։ Օրինակ՝ ընդհանուր պատով բնակելի տներ, հին, խարխուլ բնակարաններ, վթարային շենքերի բնակարաններ և գյուղական համայնքների տներ։

Փաստացի տոկոսադրույքը ներառում է անվանական տոկոսադրույքն ու սպասարկման և այլ միջնորդավճարները։ Բանկի կողմից սահմանվող փաստացի տոկոսադրույքը հայաստանյան շուկայում ամենաձեռնտուներից է։ Ի դեպ, ԱյԴի Բանկից անշարժ գույքի գրավով վարկի ստացման դեպքում Բանկի կողմից հնարավորություն է ընձեռվում նաև Ձեզ և Ձեր ընտանիքի անդամներին հավելյալ վարկային գիծ և Rocket line սահմանաչափ ստանալ, որոնք կարող եք հեշտությամբ կառավարել Idram&IDBank հավելվածով և IDBanking.am առցանց հարթակով։

Վարկ/գրավ հարաբերակցությունը կախված է Ձեր գույքի տեսակից և Ձեր վարկարժանության գնահատականից։ Որպես վարկ/գրավ արժեքի հաշվարկման հիմք ընդունվում է տվյալ գույքի լիկվիդային արժեքը։

Մինչև 15,000,000 ՀՀ դրամը (ներառյալ) կամ դրան համարժեք արտարժույթը չգերազանցող վարկերի դեպքում տույժ չի սահմանվում վարկի վաղաժամկետ մարման համար։

15,000,000 ՀՀ դրամը կամ դրան համարժեք արտարժույթը գերազանցող վարկերի դեպքում՝ 3% վաղաժամկետ մարվող վարկի գումարից, եթե վաղաժամկետ մարվող գումարը գերազանցում է վաղաժամկետ մարման պահին հաջորդող 6 ամիսների համար մարման ժամանակացույցով նախատեսված վարկի մայր գումարների հանրագումարը։

Վերավարկավորման դեպքում Բանկը կարող է հոգալ գրավադրման բոլոր ծախսերը 4․000․001 և ավելի վարկերի դեպքում, սակայն եթե վարկառուն վարկն ամբողջությամբ վաղաժամկետ մարում է տեղափոխմանը հաջորդող 24 ամիսների ընթացքում, ապա վարկառուն փոխհատուցում է սույն կետում նշված Բանկի կողմից կատարված ծախսերը։

Եթե վերավարկավորում չէ, ապա նշված ծախսերը կատարվում են հաճախորդի կողմից։

ՀՀ դրամով տրամադրվող վարկի դեպքում՝ ընթացիկ հաշվի միջոցով, իսկ արտարժույթով վարկի դեպքում՝ անկանխիկ ArCa Classic, MasterCard Standard, MasterCard Gold, ինչպես նաև Բանկի կողմից թողարկվող Visa կրեդիտային քարտերի միջոցով։

Վարկի մերժման գործոն կարող է հանդիսանալ․
1) բացասական վարկային պատմությունը,
2) գրավի առարկայի անհամապատասխանությունը Բանկի պահանջներին,
3) կեղծ կամ անարժանահավատ տեղեկատվության տրամադրումը,
4) այնպիսի տեղեկատվության տրամադրում, որը կասկածի տակ է դնում վարկի վերադարձելիությունը
5) հաճախորդի էլեկտրոնային փոստի բացակայություն
6) այլ գործոններ